ကူဝိတ်သံအမတ်ကို တစ်လအတွင်း ထွက်ခွာသွားဖို့ မြောက်ကိုရီးယား အမိန့်ထုတ်

နိုင်ငံတကာ၊ စက်တင်ဘာ ၁၈၊ ၂၀၁၇

ကူဝိတ်သံအမတ်ကို တစ်လအတွင်း ထွက်ခွာသွားဖို့ မြောက်ကိုရီးယား အမိန့်ထုတ် ခဲ့ကြောင်း RFA Burmese Facebook စာမျက်နှာတွင် ယနေ့ ဖေါ်ပြထားပါတယ်။

ဖေါ်ပြချက် အပြည့်အစုံမှာ-

သံတမန်ဆက်ဆံရေး အဆင့်လျှော့ချလိုက်တဲ့အတွက် ကူဝိတ်နိုင်ငံဆိုင်ရာ မြောက်ကိုရီးယား သံအမတ်ကို တစ်လအတွင်းထွက်ခွာသွားဖို့ အမိန့်ထုတ်လိုက်ပါတယ်။

မြောက်ကိုရီးယားဟာ ဒီလထဲ ခြောက်ကြိမ်မြောက်နဲ့ ဖောက်ခွဲအားအကြီးမားဆုံး နျူးကလီးယား စမ်းသပ်တဲ့နောက် ကုလသမဂ္ဂလုံခြုံရေးကောင်စီက ပိတ်ဆို့အရေးယူမှုအသစ်ချမှတ်ပြီး၊ မြောက်ကိုရီးယားနဲ့ သံတမန်ရေးနဲ့ ဘဏ္ဍာရေးဆိုင်ရာ ဆက်ဆံရေးတွေ တင်းကျပ်လိုက်ဖို့ နိုင်ငံအစိုးရတွေကို အမေရိကန်ပြည်ထောင်စုက တိုက်တွန်းပါတယ်။

ကူဝိတ်က ဆုံးဖြတ်လိုက်တဲ့အတိုင်း မြောက်ကိုရီးယား သံအမတ် So Chang Sik ဟာ နေရင်းတိုင်းပြည်ပြန်မယ်လို့ အမည်မဖော်လိုတဲ့ သံတမန်တစ်ယောက်က ပြောပါတယ်။ တကယ်တော့ သူဟာ တာဝန်ပြီးဆုံးလို့ စက်တင်ဘာလကုန်မှာ ပြန်ဖို့စီစဉ်ထားတာပါ။ ကူဝိတ်နိုင်ငံမှာ မြောက်ကိုရီးယား ၃၀၀၀ လောက်နေထိုင်နေပြီး အမေရိကန် သမ္မတ Trump နဲ့ ကူဝိတ် ခေါင်းဆောင်တို့ ၀ါရှင်တန်ဒီစီမှာ ဒီလအစောပိုင်းမှာ တွေ့ဆုံပြီးတဲ့နောက် မြောက်ကိုရီးယားနဲ့ သံတမန်ဆက်ဆံရေး အဆင့်လျှော့ချတဲ့ ကြေညာချက်ထွက်ပေါ်လာတာပါ။

News credit to: RFA Burmese

Reference Link: https://www.facebook.com/rfaburmese/posts/10156655122053128

Retrieved Date: 18/09/17