ဘင်္ဂလားဒေ့ရ်ှမှာ ဖမ်းဆီးခံရတဲ့ သတင်းထောက်များအရေး သတင်းမီဒီယာ အဖွဲ့အစည်းများ ရှုတ်ချ

ဘင်္ဂလားဒေ့ရ်ှနိုင်ငံမှာ သွားရောက် သတင်းရယူရင်း သူလျှိုလုပ်တယ်ဆိုတဲ့ စွပ်စွဲချက်နဲ့ ဖမ်းဆီးခံထားရတဲ့ သတင်းထောက် ၂ ဦးကို အမြန်ဆုံး လွတ်ပေးဖို့ သတင်းမီဒီယာသမားတွေနဲ့ ဖွဲ့စည်းထားတဲ့ အသင်းအဖွဲ့တွေက တိုက်တွန်းတောင်းဆိုလိုက်တာပါ။

ဗီဇာကိစ္စကြောင့် ဖမ်းဆီးထားတယ်ဆိုပေမဲ့ သတင်းသမားတွေကို ဖမ်းဆီးတရားစွဲဆိုမှုဟာ သတင်းလွတ်လပ်ခွင့်ကို ပိတ်ပင်ရာရောက်ပြီး ဒီမိုကရေစီ စံနှုန်းတွေနဲ့ မကိုက်ညီတဲ့ လုပ်ရပ်တွေဖြစ်တဲ့အတွက် ရှုတ်ချကြောင်း မြန်မာဂျာနယ်လစ်ကွန်ယက်က ကြေညာချက် ထုတ်ပြန်ထားပါတယ်။

ဘင်္ဂလားဒေ့ရ်ှနိုင်ငံမှာ ဖမ်းဆီးခံလိုက်ရတဲ့ ဓာတ်ပုံ သတင်းထောက် ၂ ဦး လွတ်မြောက်ရေးအတွက် မြန်မာအစိုးရက ဘင်္ဂလားဒေ့ရ်ှအာဏာပိုင်တွေနဲ့ ဆက်သွယ်ဆောင်ရွက်ပေးဖို့လည်း တိုက်တွန်းထားပါတယ်။ မြန်မာနိုင်ငံ အခြေစိုက် နိုင်ငံခြားသတင်းထောက်များအသင်းကတော့ သတင်းသမားတွေ ဖမ်းဆီးခံရမှုအပေါ် အလွန်အမင်း စိုးရိမ်မိကြောင်းနဲ့ သူတို့တွေကို ဘေးအန္တရာယ်ကင်းရှင်းဖို့နဲ့ အမြန်ဆုံး ပြန်လွတ်ပေးဖို့လည်း တောင်းဆိုထားပါတယ်။

မြန်မာနိုင်ငံ သတင်းစာဆရာအသင်းကတော့ ဒီဖြစ်စဉ်ကို စိုးရိမ်ပူပန်ကြောင်း ကြေညာချက်ထုတ်ပြန်ထားသလို မြန်မာအစိုးရ နိုင်ငံခြားရေးဝန်ကြီးဌာနနဲ့ မြန်မာနိုင်ငံဆိုင်ရာ ဘင်္ဂလားဒေ့ရ်ှသံရုံးတို့ကိုလည်း သတင်းထောက် ၂ ဦးလွတ်မြောက်ရေး ကူညီဆောင်ရွက်ပေးဖို့ မေတ္တာရပ်ခံ တိုက်တွန်းထားပါတယ်။

ဂျာမန်သတင်းဌာန GEO အတွက် အလုပ်လုပ်ပေးနေတဲ့ မြန်မာ ဓာတ်ပုံ သတင်းထောက် ၂ ဦးဟာ အလည်အပတ်ဗီဇာနဲ့ လာရောက်သတင်းရယူခဲ့ပြီး သူလျှိုလုပ်တယ်ဆိုကာ ဖမ်းဆီးခံနေရတာဖြစ်ပါတယ်။

News Credit to: BBC ဘီဘီစီမြန်မာပိုင်း

Reference Link: https://www.facebook.com/bbcburmese/photos/a.266174993438393.67270.166580710064489/1525022924220254/?type=3&theater

ဓာတ်ပုံ- GEO